Fylkespolitikarane i Møre og Romsdal valde å handsame fylkeskommunen sine innspel til KS i samband med mellomoppgjeret. Politikarane imøtekom dei tilsette sine representantar sine synspunkt. Utdanningsforbundet sitt forslag går på at tilsette med lang utdanning og ansiennitet bør prioriterast. Dette vart vedteken både i Administrasjonsutvalet og Fylkesutvalet, og blir dermed sendt med fylkeskommunen sitt høyringssvar til KS sentralt. 

Vedtaket: 

Debatthefte 1,

Pkt. 3, Tilgang på kvalifisert arbeidskraft: Vi vil også rette søkelyset mot mangel på kvalifiserte lærarar i mange fag, ikkje minst i yrkesfaga i vidaregåande opplæring. Over 20% av lærarårsverka i skulen  manglar lærarutdanning. Det er stor nedgang i søkjartal til lærarutdanninga. Det er difor eit stort behov for å oppdatere og etterutdanne og halde på lærarar, i tillegg til rekrutteringstiltak. 

Debatthefte 2

1.Alternativ til punktet:

Møre og Romsdal fylkeskommune meiner at heile den økonomiske ramma til kap. 4 i mellomoppgjeret bør forhandlast sentralt. Høg prisvekst og svekka kjøpekraft må nyttast til generelle tillegg for å oppretthalde kjøpekrafta best mogleg. Ei lita ramme til lokale forhandlingar er unødvendig ressurskrevjande og gjev ikkje meirverdi, men fører til ein uønskt konkurranse mellom kommunar og regionar om kompetanse til kjerneoppgåvene.

3. Kva grupper skal prioriterast, tillegg:

Ut frå rekrutteringsutfordringar meiner vi også at lærarar må prioriterast i år, og at det må rettast opp i mindrelønsutviklinga for stillingar med lang utdanning og ansiennitet.