Vi inviterer til lønningsKVISS, kl 19.00 i Storstova på Velle skule.

Dette er ei uformell, gratis og sosial samling, og tilbodet går til alle medlemane i Utdanningsforbundet Ørsta. Kanskje vil nokre fortsette kvelden på ein utestad etterpå?

Spørsmåla i kvissen vert ei god blanding frå ulike tema, med passe vanskegrad. Vi justerer tema etter tilbakemedling frå kvissen vi hadde i november i fjor. Ein treng ikkje å ha danna lag på førehand, det ordnar vi lett der og då. men det kan maksimalt vere fem pr. lag!

Det vert sjølvsagt premiar. Målet er å gjere noko kjekt i lag, i tillegg til at du får brynt dei ‘små grå’.

Sidan det blir servert pizza og brus, treng vi påmelding frå alle som ynskjer å delta. Påmeldingsfrist er 13. mars. Vi har eit maks-tal på 70 stk., så her er det ‘først til mølla’-prinsippet som gjeld. Ta med i påmeldinga om du treng tilrettelegging mtp.  allergen, funksjonshindringar el.l.

Bruk gangvegen/slusa mellom Ørsta vgs. og Ørsta stadion. Om du kjem med bil, parker ved Ørstahallen, Ørsta vgs. eller Kulturhuset. Inngang til Storstova i glasbygget/atriet på baksida av skulen.

Kom som du er, vi håper å sjå deg der!

Vennleg helsing styret i Utdanningsforbundet Ørsta