Utdanningsforbundet  Vestland ynskjer i samarbeid med lokallaga  å setja arbeidet med  Framtidas fellesskule på dagsorden. Me arrangerer difor tre pedagogiske kafear rundt om i fylket vårt i løpet september. I panelet vil lærarar, tillitsvalde, lærarutdannarar og leiarar samtala om temaet. Me håpar du vil vera med å forma framtidas fellesskule.

Framtida skapar me no!

Ein  skule med plass til alle, der born møtes uansett bakgrunn har lenge vore kjenneteiknet ved det norske skulesystemet. Skulen har gjennom åra vore den viktigaste fellesarenaen i samfunnet.

Korleis vil me ha det i framtida? Regjeringa har sett ned Fellesskuleutvalet og bede dei koma med råd om framtidas fellesskule.  Ingen frå lærarprofesjonen er med i utvalet.

Utvalet er i full gang med arbeidet, og skal levera rapporten sin i juni 2026. Difor er det NO me kan vera med å forma framtida til den norske skulen. Me håpar du vil delta.

Skal skulen vera for alle i framtida ?

Korleis får me ein skule med plass til alle ?
Kva vil me bevara og kva treng endrast i skulen for å møta framtida? 
Kva krefter er med å påverka dette ?
Kva meiner lærarane om dette?  

Kva meiner du?

Dette er eit ope møte der me håpar lærarar, andre tilsette, leiarar, foreldre, besteforeldre, politikarar, næringslivet  og andre med interesse for framtidas skule møter opp og deler sine tankar. Velkommen!

Vil du vita meir om bakgrunnen for arrangementet? Kikk på denne lenka.
Utvalget for framtidens fellesskole

Tid og stad for arrangementa:
Stord 10. september, Arena kl. 18-20
Bergen 11. september, Litteraturhuset kl. 18-20
Førde 23. september, Larris Scene kl. 18-20

Har du spørsmål eller innspel på førehand, kan du melde dette via QR-koden: