Nordic Teacher Space Camp er eit spennande og annleis kurs for realfaginteresserte. 7.-12. august samlast lærarar frå heile Norden til kurs med fokus på romrelaterte emne på Andøya rakettskytefelt i Nordland. Som avslutting skyt kursdeltakarane opp si eigenkomponerte rakett!

Kurset arrangerast av Nasjonalt senter for romleatert opplæring (NAROM) i samarbeid med Utdanningsforbundet. 

– Kurset er eit spennande tiltak for lærarar som i neste omgang skal kunne bidra til å auke interessa for realfag og teknologi til elevane, seier nestleiar i Utdanningsforbundet, Ragnhild Lied. Ho deltok på Nordic Teacher Space Camp i fjor sommar.

Lied anbefaler alle realfaginteresserte lærarar å melde seg på dette spennande kurset.

Romrelaterte emne
Kurset skal auke interessa for romrelaterte emne i skulen ved praktisk bruk av fysikk, matematikk og teknologi. Realfaginteresserte lærarar i grunnskulen og vidaregåande opplæring vil ha stor nytte av kurset.

Teori, praktiske øvingar og kvalsafari
Gode realfagkyndige førelesarar bidreg til inspirerande og lærerike dagar med eit spennande tema. Teorien følgjast opp med gruppearbeid med oppgåver der kunnskapen setjast ut i praksis. På fritida er det lagt inn aktivitetar og ein tur på havet med kvalsafari.

Andøya rakettskytefelt
Med Andøya rekettskytefelt som base, gir campen moglegheit til aktiv brukt av unike ressursar. Som avslutting og klimaks vert det skote opp ein rakett med nyttelast som deltakarane sjølve har satt saman!  

Fleire stipendplassar
Deltakaravgifta er på 3000 kroner. Fleire skoleeigarar har eigne stipendplassar som dekkjer deltakeravgifta. Interesserte kan ta kontakt med sin skuleeigar eller NAROM for meir  informasjon.

Påmeldingsfristen er 1. mai.  Her melder du deg på.

Du kan lese meir om kurset på narom.no.